चुनाव 2019 दा लेखा जोखा

चुनाव बी मुक्की गे ते कन्ने परिणाम बी आई ऐ । तिन मिने दा जडा रोला पेदा हा , लोकें गी जानने दी बड़ी इच्छा ही , की केडी पार्टी गी जीत हासिल ओनी , ते केडी ने अगले पांज साल शांत ओईये बैठी जाना।

ऐ ते सारें गी पता ऐ की 2014 लेखा , अवा ते इस बारी बी मोदी दी गै ही । आंदे जंदे जित्थे दिखो मोदी दियां गल्लां हियां। बड्डे – बुड्डे जिने गी खरे राजनीति दे बारे पता बी नी ओना,  जिने गी इन्ना गै पता ओंदा हा जे असैं वोट पाना ऐ,  ओ लोग बी मोदी मोदी करदे नी थक्का दे हे।

ऐ गल्ल बी सच्च ऐ की जिन्नी मोदी लैर ऐ ही , उन्ना गै इस बार डर बी हा की के मोदी ओंदा जादू रंग लाग जा नेई ,  ओ तां की विपक्ष बी बड़ी मजबूती कन्ने खडोते दा हा , ते कन्ने लोग कुल्ले अपना मन बदली लैन कोई नी आखी सकदा ।

इस चुनाव दी ऐ बी बड्डी गल्ल ही की इस वेले जन्ता ओ नी ही की जिस  पार्टी गी उन्दी पुश्तां वोट दिंदी आवा दियां हां , उदे कोला दूर ओइये उने वोट कित्ता । लोकें 2014 च बनी सरकार गी जांचेया , दिखेया जे मौजूदा सरकार ने किन्ना काम कित्ता केडे-केडे क्षेत्र च कित्ता । तां गै आज पैले कोला मते वोट परतीशत कन्ने सरकार जित्ती।

जे इस जीत दा श्रेय मैं मोदी गी नेई देगी , ते शायद मेरा ऐ लेख अदूरा रेई जाग । मोदी ने देश दी जंता दे दिलें च अपने ते अपनी पार्टी लेई विशवास पैदा कित्ता , ते कोशिश कित्ती हर ओ काम करने दी ,  जिस दा उने वादा किता।

542 सीटें विचा 353 सीटें उप्पर एन. डी. ऐ सरकार ने जगा बनाई ।ते कल्ली बीजेपी नै 303 सीटां अपने ना कितियां । एक बार फिर फुल बहुमत दी सरकार बनाना बड्डी गल्ल ऐ ।

जम्मू दे आंकड़े दिखे जान ते , बीजेपी ने इत्थे बी बड़ी गै ऐतिहासिक जीत आसिल कित्ती । जम्मू सीट चा , जुगल किशोर शर्मा  3,02875  वोटें दी बढत कन्ने जीते। ते उधमपुर सीट,  जितेंद्र सिंह ने 3,57,252 वोट बाद्द लेइये अपने नां कित्ती।

जीत ते मिली गई, उन दिखना ए ओग की आगे मोदी सरकार अपने वादे किन्ने पूरे करदी , ते आगे के ऐसे मुद्दे ओंगन जिदे उप्पर काम्म कित्ता जाग।

चेतना शर्मा

 केंद्रीय विश्वविदयालय दी छात्रा